Maya, tegista dugsiga xannaanadda waa ikhtiyari, laakiin ilmaha badidooda ee ku nool dalka Iswiidan waxay tagaan dugsiga xannaanadda.

Markii ilmaha ay dugsiga xannaanadda ku sugan yihiin, waxay helayaan fursad ay hormar ku samaayaan, aqoon ku kororsadaan iyagoo ciyaar-carruureed, halabuur iyo sahmin adeegsanayo. Maaddooyinka ilmaha la baro waxaa kamid ah xisaabta, cilmiga abuurka iyo luqadda iswiidishka. Wadajir carruurta kale way wada heesaan, wax rinjiyeyaan, qoob ka ciyaaraan, wada hadlaan ama wax wada qoraan.

Ilmaha waxay dugsiga xannaanadda bilaabi karaan laga bilaamo markii hal sano ay buuxsadaan.

Haddii aad wax barato, ama hab firfircoon shaqo u raadsato ama fasaxa waalidiinta qaadatay, waxaa ubadkaaga boos ugu codsan kartaa dugsiga xannaanadda. Ubadkaaga waxaa kaloo boos lagu siin karaa sabab la xiriirta xaalad jireed ama nafsiyeed, xaalad qoyseed ama haddi cunugga u baahan yahay taageero gaar ah oo u horumar ku sameeyo.

Haa, hawlwadeneyaasha dugsiga xannaanadda waxay khibrad u leeyihiin qaabilaadda ilmaha ku hadla luqado kala duwan. Ilmaha si fudud ayay luqado kala duwan u bartaan. Dugsiga xannaanadda waxay ilmaha ka bartaan luqadda iswiidishka, laakin xitaa taageero ayay afkooda hooyo ku heli karaan.

Haa. Dhammaan ilmaha dalka Iswiidan ku nool, waxay xaq ku leeyihiin dugsiga xannaanadda dadwaynaha oo lacag la`aan ah, fursadda waxay ilmaha heli karaan laga bilaabo xilliga dayrta oo ay buuxsadaan 3 sano. Ilmaha waxay dugsiga xannaanadda dadwaynaha oo lacag la` aanta ku sugnaan karaan 15 saacadood toddobaadkii. Ilmaha waxay dugsiga xannaanadda fasax ka yihiin markii dugsiyada biloowga/hoose/dhexe ay xiran yihiin. Ilmaha waxay ku sugnaan karaan dugsiga xannaanadda dadwaynaha xitaa haddii xilhaayeha xannaanadda/waalidka usan shaqayn, wax baran ama hab firfircoon usan shaqo u raadsan.

Maya, laakin markii boos aad dalbanayso, waxaad kala codsan kartaa ilaa shan iskuullada xannaanadda oo kala duwan. Maamulka magaalada Malmö wuxuu markii u ku meelaynta ku dhaqaaqayo ka talaaba qaada adreeska cunugga u ka diiwan gashan yahay.

Haa. Sidii cunugga loo siiyo fursadda booska aad ugu habboon awgeed, waxaa muhim ah inaad aqoon fiican u leedahay baahida ubadkaaga u gaarka ah. Codsiga ku soo lifaaq warqad aad ka warbixinayso xaaladda ubadka iyo baahida taageerada u gaarka ah. Waa inaad ku soo lifaaqda wixii cadaymo ah oo laga siiyay goobaha daryeelka bukaanka iyo hay`adaha kale, kuaaso lagu xaqiijinayo baahida ubadkaaga u gaarka ah. U soo dir: Förskoleförvaltningen 20580 Malmö.