Diehtojuohkin Malmö gávpogis divssu ja fuolahusa birra gielddas (Sami)

Ruovttobálvalus (Hemtjänst)

Go don leat boaris oaččut ain orrut du iežas ruovttus
nu guhká go háliidat. Atnit ruovttobálvalusa mielddisbuktá
ahte gielda boahtá du ruktui ja veahkeha du sierra diŋggaiguin.
Don sáhtát oažžut doarjaga ja veahki vai sáhtát orrut ruovttus.

Ruovttobálvalus sáhttá veahkehit du čuovvovaččain:

• nuoladit ja bivttastit
• riššudit
• čorget
• basadit
• biepmuid oastit
• mannat váccašit
• mannat ovdamearkka dihte dikšoguovddážis
• dorvolármmain
• dálkasiid addit

Got oaččut ruovttobálvalusa?

Háliidat go ohcat ruovttobálvalusa
galggat ságastit doarjjagieđahalliin gielddas.
Riŋge gieldda oktavuođaguovddážii telefonnummarii 040-34 10 00.
Daja ahte háliidat ságastit doarjjagieđahalliin (biståndshandläggare).

Muital gos don orut ja man boaris don leat.
Oktavuođaguovddáš sádde du rivttes olbmo lusa.
Don sáhtát maid sáddet e-boastta malmostad@malmo.se.
Don muitalat mainna háliidat veahki.
Doarjjagieđahalli mearrida makkár veahki sáhtát oažžut.

Don mearridat ovttas bargiiguin ruovttobálvalusas
goas galget boahtit ja got galget veahkehit du.
Don oaččut oktavuođaolbmo geainna sáhtát ságastit du
ruovttobálvalusa birra.
Don mávssát divaga veahki ovddas man oaččut.
Man ollu ruhta dus lea mearrida divaga.

Ruovttobuohccedikšu (Hemsjukvård)

Don sáhtát oažžut buohccedivššu iežat ruovttus.
Dat gohččoduvvo ruovttobuohccedikšu.
Ruovttobuohccedivššus barget buohccedivššárat,
bargoterapevttat ja fysioterapevttat.
Don sáhtát oažžut ruovttobuohccedivššu
jus it ieš dahje vehkiin beasat dikšoguovddážii.

Got oaččut ruovttobuohccedivššu?

Háliidat go ohcat ruovttobuohccedivššu sáhtát riŋget
gieldda oktavuođaguovddážii telefonnummarii 040-34 10 00.
Oktavuođaguovddáš sádde du rivttes olbmo lusa.
Don sáhtát maid sáddet e-boastta malmostad@malmo.se.

Dikšoorrun (Vårdboende)

Jus don it sáhte orrut ruovttus šat de sáhtát oažžut sirdit dikšoorrumii.
Dikšoorrun lea orohat dutnje guhte
dárbbahat ollu veahki ja ollu divššu.

Dikšoorrun lea stuorra viessu ollu orohagaiguin.
Gávdno maid boradanlatnja ja beaivelatnja.
Dikšoorrumis orut iežas orohagas.
Orohagas gávdno okta latnja ja basadanlatnja rišuin ja hivssegiin.

Dikšoorohagas gávdnohit álo bargit.
Bargit barget beivviid, eahkedii ja ijaid.

Got dagat jus don háliidat sirdit dikšoorrumii?

Jus don dárbbahat sirdit dikšoorrumii
galggat ságastit doarjjagieđahalliin.
Riŋge gieldda oktavuođaguovddážii telefonnummarii 040-34 10 00.
Daja ahte háliidat ságastit doarjjagieđahalliin.

Muital gos don orut ja man boaris don leat.
Oktavuođaguovddáš sádde du rivttes olbmo lusa.
Don sáhtát maid sáddet e-boastta malmostad@malmo.se.
Doarjjagieđahalli mearrida jus beasat johtit dikšoorrumii.

Don mávssát divaga orruma ovddas.
Man ollu ruhta dus lea mearrida divaga.
Divagii gullo láigu, dikšu ja fuolahus.

Beaivedoaibma - olbmuide geain lea demeansadávda (Dagverksamhet)

Beaivedoaibma lea dutnje geas lea demeansadávda.
Beaivedoaimmas mii dahkat doaimmai ovttas.
Mii sáhtit ovdamearka guldalit musihkka ja dahkat
musihkkaaktiviteahtaid, gažaldatgilvvu, čoavdit ristasániid,
lohkat áviissaid, dahkat čohkahangymnastihka dahje vázzášit.
Muhtomin mannat olgomátkkis.
Mii borrat iđđesbiepmu, gaskabeaiveborramuša ja gáfestallat ovttas.

Beaivedoaibma Club Cefalon lea dutnje geas
lea diagnosa demeansadávda ja leat nuorat go 66 jagi boaris.
Club Cefalonas dahkat doaimmaid ovttas.
Mii vuolgit gálledan mátkkiide earet eará museaide ja olggos lundui,
vuojadit, málet/sárgut, láibut, gažaldatgilvvut.

Háliidat go mannat beaivedoibmii?

Riŋge gieldda oktavuođaguovddážii telefovdnanummir 040-34 10 00.
Ánut sárdnut veahkkemeannudeddjiin.
Sáhtát maid sáddet šleađgapoasta malmostad@malmo.se.

Mieđusteapmi, geahpedeapmi ruovttus ja gulahallanolmmoš (Ledsagning, avlösning i hemmet och kontaktperson)

Go dárbbahat veahki mannat olggos sáhtát ohcat mieđusteaddji.
Mieđusteaddji sáhttá veahkehit mannat boradanbáikkis dahje kafeas,
biktasiid oastit, lášmmohallat, mannat deaivvadanbáikái, dahje geahččat filmma ja teáhtera.

Go divššut lahkaolbmo, ovdamearka jus gullo vehkii dahje jus lea guoibmi, sáhtát oažžut geahpideami gielddas. Go divššut lahkaolbmo de dárbbahat muhtomin vuoiŋŋastit ja ložžet. Gieldda geahpida dávjá ruovttustat.
Manná maid buoragit mannat vázzášit lahka birrasis.

Jus don dahje soames gean dovddat dárbbaha doarjaga ja veahki čatnat sosiálalaš oktavuođa, gávdno vejolašvuohta ohcat gulahallanolbmo.

Jus háliidat ohcat mieđusteaddji, geahpideami dahje gulahallanolbmo?

Riŋge gieldda oktavuođaguovddážii telefovdnanummir 040-34 10 00.
Ánut sárdnut veahkkemeannudeddjiin.
Sáhtát maid sáddet šleađgapoasta malmostad@malmo.se.

Don gii leat oapmahaš sáhtát oazut doarjja

Don leat oapmahaš go veahkehat, doarjjut dahje ealát lahkaolbmo
geas lea váttis birget árgabeaivvi okto ieš.
Oapmahaš sáhttá leat bearrašmiellahtu, fuolki dahje lahkaguoibmi.

Don gii leat oapmahaš sáhtát oazut doarjja ja veahki gielddas.
Sáhtát váldit oktavuođa oapmahaškonsuleanttain oktavuođaguovddážis 040-34 10 00 dahje e-post: malmostad@malmo.se.

Gávnnadanbáikkit (Mötesplatser)

Gávnnadanbáikkis sáhttá gávnnahit iežá olbmuiguin.
Gávnnadanbáikkis mii dahkat sierra diŋggaid ovttas.
Gávnnahanbáiki lea latnja mii gielddas lea.

Mii gáfestallat, lášmmohallet, ordnejit feasttaid
dahje speallat spealaid dego bingo dahje goarttaid.
Mii guldalit soapmása guhte boahtá ja čuojaha musihka ja lávlu.
Muhtimin mii mannat beaivemátkái
ovttas dahje mannat restauráŋŋas.
Ieš don válljet maid háliidat bargat gávnnahanbáikkis.
Lea nuvttá boahtit gávnnahanbáikái.

Visot gávnnahanbáikkiin sáhtát oasit gáfe
dahje deaja ja gáhku.
Muhtin gávnnahanbáikkiin gávdno restauráŋŋa
gos maid sáhtát oastit ja borrat biepmu.

Gávdnojit máŋga gávnnahanbáikkit sierra sajiin Malmöas.
Visot gávnnahanbáikkit vuorrasiida leat rahpasat
mánnodagas gitta bearjadahkii beaivet.
Gávnnahanbáikkiin main leat restauráŋŋat
leat maid rahpasat lunšaáiggi lávvordaga ja bassi.

Gos gávnnahanbáikkit leat Malmöas?

Jus háliidat diehtit gos lagamuš gávnnahanbáiki lea sáhtát
riŋget minsiidda ja jearrat 040-34 10 00.
Don sáhtát maid lohkat eanet gávnnahanbáikkiid
birra gieldda ruovttosiiddus, www.malmo.se/motesplatserforseniorer.