Informacia aso prevoz školake ko predškolsko razred, osnovno škola hemspecialno škola

E edukacijakoro zakon hem o smernice taro foro o Malmö aso školakoro prevoz regulirini o uslovia te dolpe pravo te ovel školakoro prevoz. Sar so vačeri o zakon baši edukacija, o učenikia šaj te ovel olen pravo aso školakoro prevoz sebepi so

• i škola tani but dur
• O pharo sobračaj so isi ko drumo te džalpe ki škola
• E učenikoskoro invaliditeti
• Javer posebno pharipe

Te čerolpe molba aso školakoro prevoz

Dali ka ovel tut pravo aso školakoro prevoz sar so vačeri o zakon baši edukiacia, tegani mora te čeren molba aso školakoro prevoz. Palo so ka čere i molba, jek administratori ka ispituini dali isi tumen pravo aso školakoro prevoz prema odola podatke kola so dindžen. Odoleske but i tano važno ki molba te pisinen soske tu mislinea kaj te čaveske valjani školakoro prevoz.

Ako te čhaveske odobrinipe školakoro prevoz

I odluka aso školakoro prevoz važini aso odova vakti sar so pisini ki odluka, sa dok ništo na promeninipe, sar soj promena školakiri ja nekoj preselinipe. Mora te obavestinen ki komuna ko Malmö ako meninenape o uslovia kola so odobrindže te čhaveske te dobini školakoro prevoz.

O glavno pravilo tano e školakoro prevoz te ovel e javno prevozea sar soj avtobusko karta. Ama ko disave slučaija našti o učeniko te putuini javno prevozea, leske ka valjani te putuini školakere vordencar( školakoro taksi, školakoro avtobuzi, ja specialno vorda). E školakoro prevoz važini kotar o čer kaj so bešela o učeniko dži ki škola hem te irinipe, e školakoro raspored upravini keda ka den o prevoz e učenikoske.

Tle čhave obično nanele pravo te dobini školakoro prevoz ako

• rodena škola koja soj dur kotar tumaro čer hem rodena te džan uduri
• rodena te meninen i škola
• dželen ko javer čer ama ačhovena ki purani škola
• džana ki samostalno škola ja ki komunakiri škola podur kotar o foro Malmö.