ሓበሬታ ብዛዕባ መጐዓዓዚ ናብ፡ ቅድመ-ትምህርቲ፡ መባእታዊ ቤትትምህርቲን ፍሉይ መባእታዊ ቤትትምህርትን

ውላድካ ናይ ቤትትምህርቲ መጐዓዓዚ ክረክብ እንተ ተፈቒዱሉ

እቲ ናይ ቤትትምህርቲ መጐዓዓዚ ውሳኔ፥ ነየናይ ጊዜ ከም ዘገልግል፡ ኣብቲ መንጸፍ ናይ ውሳኔ ክትረኽቦ ኢኻ። ካልእ ዝተገብረ ለውጢ ምስ ዘይህሉ፥ ንኣብነት ቤትትምህርቲ ወይ ገዛ ምቕያር ምስ ዘጋጥም እዩ። እንተ ደኣ እቲ ውላድካ ናይ ቤትትምህርቲ መጐዓዓዚ ንኽረክብ ዘኽኣሎ ኵነታት ምስ ዚቕየር፥ ንምምሕዳር ከተማ ማልመ ክተፍልጦም ከድልየካ እዩ።

እቲ ዋና መምርሒ፡ እቲ ናይ ቤትትምርህርቲ ምጐዓዓዚ፡ ናይ ኣውቶቡስ ካርድ ተጠቒምካ ብህዝባዊ-ትራንስፖርት (kollektivtrafik) ንኺግበር እዩ። ኣብ ገለ ፍሉይ ኵነታት ግን፡ እቲ ተመሃራይ “ብህዝባዊ-ትራንስፖርት” ኪመለላስ ስለ ዘይክእል፥ ኣድላይነት ናይ ቤትትምህርቲ መጐዓዓዚ (ከም ታክሲ-ቤትትምህርቲ፡ ኣውቶቡስ ቤትትምህርቲ ወይ ውን ካልእ ፍልይቲ ማኪና) ከድልዮ ይኽእል‘ዩ። እቲ ናይ ቤትትምህርቲ መጐዓዓዚ፡ ካብ ሓደ እቲ ተመሃራይ ዝነብረሉ መራኸቢ ቦታ - ናብ ቤትትምህርቲ፥ ከምኡ ውን ካብ ቤትትምህርቲ ናብ ገዛኻን እዩ። እቲ መደብ-ሰዓታት ናይ ቤትትምህርቲ - ንሱ ውን መምርሒ ናይቲ መደብ መጐዓዓዚ ቤትትምህርቲ ኪኸውን’ዩ።

ከም ልሙድ፡ ውላድካ ናይ ቤትትምህርቲ መጐዓዓዚ ኣይኪፍቀደሉን’ዩ፡ እንተ ደኣ፡-

• እቲ ምልክታ ዘቕረብካሉ ቤትትምህርቲ፡ ካብ ቤትካ ኣዝዩ ርሑቕ ኰይኑን ናብኡ ድማ ክትከይድ እንተ መሪጽካን
• ቤትትምህርቲ ክትቅይር እንተ ደኣ መሪጽካ
• ገዛ እንተ ግዒዝካ፡ ግን ድማ ኣብቲ ናይ ቀደም ቤትትምህርትኻ ክትጸንሕ ምስ ትደሊ
• ካብ ከተማ ማልመ ወጻኢ ናብ ዝዀነ ግላዊ ወይ ኮሙናዊ ቤትትምህርቲ ትኸይድ እንተ ዄንካ'ዩ።